Sünnət Əməliyyatı

Sünnət nədir?

Doğru sünnət, cərrahi, asepsi və antisepsi qaydalarına riayət edilərək, cərrahi stabilizasiya şərtlərinin təmin edildiyi, təcrübəli, təhsilli, mütəxəssis həkimlər tərəfindən edilən sünnətdir.

Uşaqlar doğulduğundan bir gün sonra sünnət edilə bilərlər ancaq uşaqda doğuşdan penis anomaliyası (normal olmayan) var isə irəlidə sünnət dərisi, penisin bərpasında istifadə ediləcəyinə görə yeni doğulan uşağın sünnəti həyata keçirilməməlidir. Bununla bərabər vaxtsız və ya anadangəlmə bir xəstəlik var isə, ya da ailədə hemofiliya xəstəliyi əhvalatı var isə yeni doğulan uşaq sünnət edilməməlidir. Sünnətin hansı yaşda edilməsi mövzusunda isə sünnət, əməliyyat otağı qaydalarında, cərrahi prinsiplərə  riayət edilərək, təcrübəli bir mütəxəssis tərəfindən edilir və əməliyyat  sonrasında yara qulluğu qaydalara uyğun şəkildə aparılmalıdır.

Uşaq ən tez nə vaxt sünnət edilə bilər?

Uşaq dünyaya gəldikdən sonra ən ideal zamanda sünnət edilir. Bu qərar ailələrin fikirlərinə görə fərqlilik göstərir.

Ən uyğun  yaş ya da ay hansıdır?

Sünnət əməliyyat otağı qaydalarında, cərrahi prinsiplərə  əməl edilərək, təcrübəli bir həkim tərəfindən edilir və əməliyyat sonrasında  yaraya qulluq qaydalara  uyğun şəkildə edilərsə hər yaşda sünnət həyata keçirilir. Bununla bərabər üç yaş civarında olan uşaqlar öz cinsiyyətlərini və genital orqanlarını tanımağa başladıqlarına görə, bu yaşlarda bölgə ilə əlaqəli cərrahi müdaxilələr daha xəssas olur. Bu dövrdə uyğun olmayan şərtlərdə edilən sünnət, təbii olaraq,  psixoloji olaraq daha çox təsir edə bilər. Unutulmamalıdır ki,yaşca böyük uşaqlarda belə, yaşıdlarından eşitdikləri hekayələrə görə uyğun psixoloji  hazırlıq aparılmadığı təqdirdə, sünnət travmatik bir müdaxilə olaraq yadda qala bilər.

Doğar doğmaz edilən sünnətin riski varmıdır?

Sünnət edildikdən sonra ən çox qarşılaşılacaq şikayətlər qanama və infeksiyadır.Təzəcə doğulan uşağın sünnət edilməsinə maneə olan şərtlərdə, cərrahi müdaxilənin bəhs etdiyimiz riskləri göz önünə alınmamalıdır.

Doğar doğmaz  edilən sünnətin üstünlükləri nələrdir?

Əvvəlcə, cərrahi müdaxilə  ilə ələqəli şüurlu bir xatırlama olmayacaqdır. Uşaqların böyümə sürətli olduğu üçün yara yeri qısa zamanda yaxşılaşacaqdır. Lokal anesteziya ilə edildiyinə görə əməliyyatdan qabaq və sonrasında ac qalmaq lazım deyil. Ana  zahılıq dövrü içərisində olduğuna görə, ananın vücud mayelərində ifraz edilməkdə  olan mövcud hormon və  bir sıra zülallar (endorfinlər) ilə qan müdafiə sistemi, əmizdirmə yoluyla uşağa çatdırılaraq cərrahi müdaxilə üzərində qoruma təsiri göstərəcəkdir. Bu qoruma faktorları təsiri ilə sünnət sonrası dövrdə ağrını aradan qaldıran dərmanlardan istifadə etməyə ehtiyac olmayacaqdır. Son olaraq, yeni doğulan sünnət olunmuş uşaqlarda, bölgənin təmizliyi daha asan olacağından idrar yolu infeksiyası riski azalır.

Sünnət etdirdikdən sonra nələrə diqqət edilməlidir?

Yeni doğulan uşaqlarda  sünnət dərisi penis başına yapışıq olduğuna görə, sünnət sırasında bu yapışıqlığın ortadan qaldırılması nəticəsində penis başı dərisi özünü yeniləyənə  qədər, alt vəzinə yapışmamağa qarşı tədbir görülür. İlk iki gün ərzində antiseptikli kremlər sünnətli bölgə üzərinə gündə üç dəfə sürtmək lazımdır. Uşaqlar sünnət sonrasında beşinci gün sünnəti edən həkim  tərəfindən yoxlanılır  və duş qəbul etməyinə icazə verilir. Qoyulan tikişlər  öz-özünə  əriyərək düşər yəni ki, sökülməsinə ehtiyac yoxdur.

Şikayətlər nələr ola bilər?

Hər əməliyyatda olduğu kimi qanama və yara yeri infeksiyası olan şikayətlərin  başında gəlir. Yeni doğulan bir uşağın əməliyyat edildiyi düşünsək və sahənin mütəxəssisi olmayan həkimlər  tərəfindən edildiyi  təqdirdə, penisi örtən dəri lazım olduğundan çox  qıssaldılmış hal penis başının  retensiya  olması şəklində qarşımıza çıxar. Ya da sünnət dərisi lazım olduğundan çox  buraxılsa, irəlidə ikinci dəfə sünnət etdirmək məcburiyyəti yarana bilər. Sünnət sonrasında  lazımi dərəcədə qulluq edilmədiyi hallarda  isə penil dərinin glansaya yapışıqlığı mövzu ola bilər.

 Hansı halda həkimə müraciət etmək lazımdır?

Sünnət sonrasında bu hallarda həkimə müraciət edilməlidir : Əgər göz yaşı axar kimi davam edən bir qanama var isə, uşaq sidiyə gedərkən çətinlik çəkərsə və ağlayarsa, penis və çevrəsində  gözləniləndən çox  şişmə və ya istilik olarsa yenidən həkim  yoxlanışına ehtiyac vardır.